- Innuttavut mobiilinik pisisimasut allatut ajornartumik mobiilinut orsersuutinik pisisariaqartarput, tamanna isumalluutinik atuinerlunneruvoq, taamatullu ingerlasoqaannarsinnaanngilaq, Polen sinnerlugu ilaasortaq, Róza Thun und Hohenstein, oqarpoq. Toqqorsivimmit assiAssi: KNR

EU-Parlamenti: Mobiilinut orsersuummik ataasiinnarmik peqalerli

EU-mi parlamentimi ilaasortat EU-Kommissionimut naammagittarsinnaajunnaarput, mobiilinummi orsersuummik tamanoortumik peqalernissaa piumasaraat.

Batteriinut orsersuut ataaseq naammappoq - mobiilip meqqia suugaluarpalluunniit. Batteriinut orsersuut ataaseq naammappoq - tassa orsersuut mobiilinut tamanut atorneqarsinnaasoq. EU-Parlamentimi ilaasortat politikikkut assigiinngitsunik tunuliaqutallit amerlanerussuteqartut taama isumaqarput.

Allannguiniarnermilu EU-Kommissioni pakatsisitsimasoq, Danmark sinnerlugu EU-parlamentimi ilaasortaq, Christel Schaldemose (S) ilaasortaqartini allat isumaqatigalugit taama oqarpoq.

- EU-Kommissionip mobiilinut orsersuummik ataasiinnarmik atorneqarsinnaasumik naleqqussaasimannginnera ajorluinnarpoq, tamannami ukiorpassuarni eqqartorparput. Aaqqiivigineqarniarli, Schaldemose oqarpoq.

EU-mi ilaasortat IT-mut atortut eqqagarpassuit atorsinnaajunnaarsimasullu amerliartuinnartut ukkataraat.

Polen sinnerlugu ilaasortaq, Róza Thun und Hohenstein piumasaqarpoq, EU-Kommissioni ukiup affaata iluani siunnersuuteqassasoq.

- Innuttavut mobiilinik pisisimasut allatut ajornartumik mobiilinut orsersuutinik pisisariaqartarput, tamanna isumalluutinik atuinerlunneruvoq, taamatullu ingerlasoqaannarsinnaanngilaq, Hohenstein oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat