EU-p unammilleqatigiinnermut kommissæriata biililiorfissuit misissuiffiginialerai
EU-p unammilleqatigiinnermut kommissæriata Margrethe Vestagerip, biililiorfissuit BMW, Daimler, Volkswagen, Audi Porschelu misissuiffiginialerpai, EU-p unammilleqatigiinnermut inatsisaannik unioqqutitsillutik isumaqatigiissusiorsimanersut misissorneqassalluni.
![](/sites/default/files/styles/image_934x467/public/article_images/biler_redigeret_01.jpg?itok=8rd_6kM4)
Allattoq Ritzau
Nutserisoq Mads Lynge
Biilit gassinik peqqissutsimik innarliisinnaasunik aniatitsinerisa annikillisarneqarnissaanut teknologiimik ineriartortitsinermi unammilleqatigiinnginnissartik pillugu biililiorfissuit isumaqatigiissutigisimaneraat, EU kommissionip misissorniarpaa.
Biililiorfissuit taama isumaqatigiissusiorsimassappata pisisartut biilinik mingutsitsinerusunik pisisimanissaat ernummatigineqarsinnaavoq.
Avatangiisinik mianerinninnerunissamik suliniuteqartut biilinik mingutsitsinerusunik aamma pisisimasinnaassapput, naak paasissutissat teknologiimut tunngasut tamanut ammagaluartut. Margrethe Vestager taama oqarpoq.
- Biilit tamakku teknologii taanna atorlugu avatangiisinik mingutsitsinnginnerunissaat anguniarneqartarpoq, Vestager oqarpoq.