EU-p puisit amiinik eqqusseqqusiunnaarnera kinguartinneqarpoq

EU-mut eqqartuussisulersuinerup naammassinissaa utaqqeqqaarniarlugu eqqusseqqusiunnaarneq unitsikkallarniarlugu EU-mi eqqartuussiveqarfiup præsidentiata ippassaq aggustip 19-anni aalajangerpaa.

Eqqartuussivimmut tunniussineq inuit suliniaqatigiiffiannit kiisalu puisit amiinik tunisassiorfinnit soorlu KNAPK-mit, ICC Greenlandimit kiisalu Inuit Tapiriit Kanatameersunit pisuuvoq.

- Uatsinnit isigalugu puisit amiinik eqqusseqqusiunnaarneq ileqqorlunnermik kiisalu inatsimmik unioqqutitsinermik tunngaveqarpoq, Inuit Tapiriit Kanatami siulittaasuat Mary Simon oqarpoq, nangillunilu:

EU-p eqqartuussiviani una suliaq pillugu qanoq inerniliiumaarnersut nalugaluarlugu eqqusseqqusiunnaarnermik inatsisip atuutsilinnginnissaa pillugu eqqartuussiviup aalajangiinera qujamasuutigaarput.

Eqqartuussivimmi præsidentip taama aalajangernera eqqartuussisulersuinerup qanoq inernilerneqarnissaanik tikkuussisuunngilaq.