EU-p Irlandimik eqqartuussivilersuussiniarnini unitsinniaraa
Irlandip nammineerluni Amerikamiut suliffeqarfissuanik akiliisitsiniarnissaa EU-p unammilleqatigiinnermut kommissæriata Margrethe Vestagerip piumasarigaluarpaa Irlandilli tamanna maannamut malikkusussimanngilaa.
Unammilleqatigiinnermullu kommissærip eqqartuussivimmut suliassanngortitsinerup taamaatiinnarneqarnissaa maanna siunnersuutigaa.
- Applep Irlandip naalagaaffianit unioqqutitsinikkut tapiissutinik pissarsiaminik tamakkiisumik utertitsinera pissutigalugu, Vestagerip eqqartuussivimmut suliassanngortitsinerup taamaatiinnarneqarnissaa kommissæreqatigiinnut siunnersuutiginiarpaa, oqaaseqartartoq Reutersimut mailikkut taama ilisimatitsivoq.
EU-mi sivisuumik misissuisoqareersoq aningaasarpassuarnik utertitsisoqarnissaa paasineqarpoq. Misissuinerummi takutippaa Applep EU-mi akileraarutinit 1 procenti sinningaatsiarlugu ikinnerusunik akileraartarnissaanik Irlandimit isumaqatigiissuteqarfigineqarsimasoq.
/ritzau/