Assi: UN Photo/Elma Okic/Flickr Creative Commons

Danmarkimi pinerliiniartoqareersoq: EU-p Iranimut killersuilernissaa Samuelsenip neriuutigaa

Pinerliinissamik pilersaarutit kingunerisaannik Iranip EU-mit killilersuiffigineqarnissaanut Frankrig Danmarkilu tapersersorneqarput.

Kilitsissiat Iranimeersut Danmarkimi Frankrigimilu pinerliinissamik pilersaaruteqarsimasorineqarneri pissutigalugit nunat EU-mut ilaasortaasut Iranip killilersuiffigineqarnissaa isumaqatigiissutigaat.

Killersuinerit EU-mi nunat ilaasortaasut Europamut nunanullu allanut tunngasunut ministeriisa Bruxellesimi marlunngornermi ataatsimiinneranni akuersissutigineqarnissaat naatsorsuutigineqartoq, EU-mi diplomatit atorfilittallu Ritzauimut tamanna uppernarsarpaat.

Killilersuisoqarnissaanut atatillugu inuit marluk aqqisa Iranimiullu isertortumik paasiniasartoqatigiit sapaatit akunneranni uani kingusinnerusukkut avammut saqqummiunneqarnissaat ilimagineqarpoq.

Frankrigip Danmarkillu Iranip pinerliinissamik pilersaarutai pillugit EU-mi nunat ilaasortaasut allat ataatsimeeqatiginerini ilisimatitsissutigisimavaat.

Iranimiut pinerliinissamik pilersaaruteqarsorineqarnerannut atatillugu Danmarkimi politiit annertuumik suliniuteqarput 2018-imi septembarip 28-ani angallannikkut annertuumik akornusersuutaasumik. Ikaartarfissuit Storebæltsbroen aamma Øresundsbroen taamani matoqqatinneqarput.

Politiit isertortumik paasiniaasartui, PET, naapertorlugit Iranimiut nunagisaminnit qimarngusut suliniaqatigiiffiannit ASMLA-meersut kilitsissiat saassunniarsimavaat.

Danskit nunanut allanut tunngasunut ministeriata Anders Samuelsenip (LA) Frankrigimi ministereqatini peqatigalugu Iranimut killilersuisoqarnissaata EU-mi isumaqatigiissutigineqarnissaa siorna novembarip qaammataanili sulissutigivaa.
EU-mit killilersuisoqassappat, tamanna nunanit tamanit isumaqatigiissutigineqartariaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat