Ataatsimiinnissaq EU-p inatsisartuisa ataatsimiittarfiata aappaani Belgiap illoqarfiisa pingaarnersaanni Bruxellesimiittumi sapaatit akunnerani tulliuttumi pisussangorpoq.Assi: Pool/Reuters/Ritzau Scanpix

EU-p inatsisartuisa siulittaasuata Frankrigimi ataatsimiinnissaraluaq kinguartikkaa

Frankrigip illoqarfiisa ilaanni Strassbourgimi sapaatit akunnerata tulliani ataatsimiinnissaraluaq Bruxellesimut nuunneqarpoq.

EU-mi ilaasortat Strassbourgimi oqallittarnerat coronavirusip tuniluunnera pissutigalugu ukiup affaanik unitsikkallarneqartoq sapaatit akunnerata tulliani aallarteqqittussaagaluarpoq. Strassborgimili ataatsimiinnissaq coronavirusip tuniluutileqqinnera pissutigalugu kinguarteqqinneqartoq, nutaarsiassaqartitsivik Ritzau allappoq.

Strassbourgimi coronavirusimik tunillatsissimasut amerliartorput. Strassbourgimi tunillatsissimasut sapaatit akunnerani kingullermi amerleqqimmata, Strassbourg coronavirusimik tuniluuttoqarfioqisutut aappaluttumik nalunaaqutserneqarpoq.

AAMMA ATUARUK Tyskeq Ursula von der Leyen EU-kommissionimi siulittaasunngussasoq

Ataatsimiinnissaq EU-p inatsisartuisa ataatsimiittarfiata aappaani Belgiap illoqarfiisa pingaarnersaanni Bruxellesimiittumi sapaatit akunnerani tulliuttumi pisussangorpoq.

EU-p inatsisartuisa siulittaasuat David Sassoli marlunngornermi taama nalunaarpoq.

EU-kommissionip siulittaasua, Ursula von der Leyen, ukiumoortumik ataatsimiinnermi EU-mi pissutsit pillugit oqalugiassaaq. Oqalugiaataa EU-p ukiumi aggersumi anguniagassaanut tunngaviussaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat