EU-p ilisarnaataa ikiuiniaqatigiit ilisarnaatigilissavaat
Inunnik ikiuiniaqatigiit Europameersut nunarsuatsinni ajunaarnersuaqartillugu ikiuiniarnerminni atisamikkut EU-p erfalasuanik siunissami ilisarnaateqartalissapput.
Allattoq Elisa Isaksen
oktobarip 27-at 2010 08:56
Taamaaliornikkut nunarsuatsinni inunnik ikiuiniarnermi EU-p siuttuunerata Europamiunut nunarsuarmiunullu allanut takussaanerulersinnissaa siunertarineqarpoq.
- Sulisuvut suleqativullu qinnuigaavut nersualaarneqarnissamik pisariaqartitsinerput qulakkeerniassagaat. Europamiut ilungersornermikkut aningaasarsiatik imaluunniit piffissaq suliniarnerminnut atugaat ersersinniarlugit erfalasoq kikkunnit tamanit takuneqarsinnaatikkusupparput, Kristalina Georgieva, EU-mi inunnik ikiuiniarnermut kommissæriusoq Ritzauimut taama oqarpoq.
EU inunnik ikiuiniarnermi nunarsuarmi aningaasaliinerpaasarpoq, tassa EU-Kommissionip aamma nunat EU-mut ilaasortat 27-usut inunnik ikiuiniartarnerni aningaasaliissutigisartagaat ilanngukkaanni.
