EU-p ileqqaarnissarsuani nunarput eqqorneqassanngilaq
Altinget.dk taama allappoq.
EU-kommissionip missingersuutissamut missingiutaani siullermi allassimavoq, EU-mi ilaasortat imarpiit akianniittunut nunatsinnullu tapiissutaat tamarmik 14 procentii ileqqaarutaassasut. Ileqqaarutissat 82,3 millionit euroopput, tassa ullumikkut koruuninngoraani 613 millionerluinnaaat.
AAMMA ATUARUK Nunat OLT-mut ilaasortat EU-mi pisinnaatitaaffii nunatta ilungersuutigigai
Ileqqaarnissaq suli pilersaarutaasoq, Altinget.dk allappoq, ileqqaarutissalli imarpiit akianniittunut tapiissutinuinnaq eqquissapput nunatsinnut tapiissutinut pinnatik.
Paarlattuanik nunatsinnut tapiissuteqartarneq allanngorani, nunarput ilinniartitaanermut atugassanik ukiuni missingersuusiorfiusuni 225 millionit koruuninik pissarsissasoq, tassa 7 millionit euronik amerlanerusunik, EU-Kommissionip siunnersuutigaa.
AAMMA ATUARUK Suka K. Frederiksen Bruxellesimut ataatsimiigiartoq
Nunarput pinngortitami ajunaarnersuaqartillugu aningaasanik EU-miit ukioq 2021 aallarnerfigalugu qinnuteqarsinnaalissasoq aamma nutaariassaavoq,
Assersuutigalugu Karranni siorna 2017-mi tassaarsuaqarmat, Nunarput taamaaliorsinnaanngikkaluarpoq.
EU-Kommissionip missingersuutissatut siunnersuutaa 2019-ip 2020-lluunniit tungaanut isumaqatigiinniutigineqassaaq.