EU-p allanngornera uagutsinnut sunniuteqassanngilaq
EU-mi nunat aaqqissuussaanerat pillugu isumaqatigiissutissaq nutaaq Kalaallit Nunaannut Savalimmiunullu qanoq kinguneqartitsitsisinnaanersoq nunanut allanut ministereqarfiup nassuiaataa piareerpoq.
Qullersaasunit oqaatigineqarpoq EU-mi isumaqatigiissutissaq nunatsinnut Savalimmiunullu sunniuteqarnavianngitsoq.
EU-mi nunat aaqqissuussaanerat pillugu isumaqatigiissutissaq assigiinngitsutigut nunanut Kalaallit Nunaatut ittunut EU-mut iseqqissinnaanissamut ajornannginnerulersitsisinnaavoq.
Kalaallit Nunaat 1985-mili taamani EF-mik ateqartumi EU-mut ilaasortaajunnaarpoq. Siunissami Kalaalit Nunaat EU-mut ilaasortanngoqqikkusussagaluarpat, nunat aaqqissuussaanerat pillugu isumaqatigiissut allanngortiinngikkaluarlugu ilaasortanngortoqarsinnaassaaq. Nunat imarsuup akianiittut EU-mut ilaasortanngorsinnaanneri piareersimaffigineqartut oqaatigineqarpoq.
