Covid-19-imut akiuussutissap ukioq manna septembarimi piareerneqarsimasinnaannissaa, EMA-p akiuussutissanut tunngasunut qullersaata Marco Cavalerip apeqquserpaa.Assi: Nicolas Asfouri/AFP/Ritzau Scanpix

EU-p akiuussutissanut qullersaa: Coronavirusimut aappaagu akiuussutissaqalersimanissaa neriulluarnarpoq

Akiuussutissaliorneq sutigut tamatigut pilersaarutit malillugit ingerlappat Covid-19-imut akiuussutissamik siusinnerpaamik ukioq ataaseq aatsaat qaangiuppat akuersissuteqartoqarsinnaassaaq. Nakorsaatinut tunngasunut EU-mi qullersaqarfik taama naliliivoq.

Covid-19-imut akiuussutissamik siusinnerpaamik ukioq ataaseq aatsaat qaangiuppat akuersissuteqartoqarsinnaassaaq.

Nakorsaatinut tunngasunut EU-mi qullersaqarfik taama naliliivoq. Nutaarsiassaqartitsiviit Reuters AFP-lu taama allapput.

Misileraanerit maannamut ingerlarngat aallaavigalugit taama naliliisoqarpoq.

Covid-19-imut akiuussutissap ukioq manna septembarimi piareerneqarsimasinnaannissaa, EMA-p akiuussutissanut tunngasunut qullersaata Marco Cavalerip apeqquserpaa.

AAMMA ATUARUK Ilisimatuut coronamut akiuussutissaasinnaasoq siulleq inummut misiliutigigaat

Akiuussutissaq aallaqqaataaniit ineriartortinneqartussaasoq taassuma erseqqissaatigaa. Suliarli pilersaarutit naapertorlugit ingerlassappat, akiuussutissaq ukioq ataaseq sinnilaarluguluunniit qaanngiuppat akuersissutigineqarsinnaassasoq oqaatigaa.

- Takusavut aallaavigalugit siulittuinerinnaapput. Erseqqissaatigerusupparalu siusinnerpaamik ukioq ataaseq aatsaat qaangiuppat akiuussutissamik akuersissuteqarsinnaassagunartugut, Marco Cavaleri oqarpoq.

Isummersuutit