Suliniaqatigiiffiit naalakkersuisutiguunngitsut arlallit, Mellemfolkeligt Samvirke taakkununnga ilaalluni, Myanmarip nunanit tamalaanit uuliasisinnaananilu gassimik pisisinnaannginnissaa kaammattuutigaat.Assi: Handout/AFP/Ritzau Scanpix

EU Myanmarimut sukatereqqittoq

Myanmarimut immikkut ittumik sukannersumillu iliuutsit sukateriffigineqarnissaat EU-mi nunat isumaqatigiissutigaat.

Myanmarimi sakkutuut naalakkersuisunik februaarip aallaqqaataani uppisitsimmatali innuttaasunut sukannersumik iliuuserisaat, allaallumi innuttaasunik hunnorujulikkaanik toqoraanerat pissutaalluni immikkut ittumik sukannersumillu iliuuserisat sukaterniarneqarput.

AAMMA ATUARUK Bidenip Myanmarimi sakkutuut immikkut ittumik sukannersumillu iliuuseqarfigineqarnissaat sioorasaarutigigaa

Inuit suliffeqarfiillu immikkut ittumik iliuuseqarfigineqartut maannamut 35-ugaluarput, inuillu allat arfineq-pingasut, suliffeqarfiillu sisamat allattorsimaffimmut tassunga maanna ilanngunneqarlutik.

- Sakkutuut naalagaannut sukannersumik aalajangiusimasumillu qisuariaateqarpugut, innuttaasunimmi naqisimannillutik iliuuserisaat akuersaarneqarsinnaanngilaq. EU-p immikkut ittumik sukannersumillu iliuuseqarnera taamaammat iluarisimaarpara, Danmarkip nunanut allanut tunngasunut ministeria Jeppe Kofod oqarpoq.

Suliniaqatigiiffiit naalakkersuisutiguunngitsut arlallit, Mellemfolkeligt Samvirke taakkununnga ilaalluni, Myanmarip nunanit tamalaanit uuliasisinnaananilu gassimik pisisinnaannginnissaa kaammattuutigaat, EU-mili nunat 27-t taama sukannertigisumik iliuuseqartoqarnissaa orniginartinngilaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat