EU-mut isumaqatiginninniarput

EU-mut isumaqatigiissutip nutarternissaa siunertaralugu naalakkersuisunut ilasortaq Rasmus Frederiksen isumaqatigiinniarnissat aallarnisariartorlugit EU-meeqqammerpoq.

Kalaallit Nunaat EU-mut attaveqarnini najoqqutaralugu isumaqatigiissutaasinnaasussamik kissateqariartorluni naalakkersuisoq oqaloqatiginnikkiartorpoq.

Taamaaqataanillu aalisarnermut isumaqatigiissutip nutarternissaa oqaloqatigiissutigiartorlugu.

Aalisarnermut isumaqatigiissutaasarsimasut sisamassaat, ukiumut 300 milliuuni koruuninik nunatta isertitsissutigisartagaa, 2006-mi atorunnaartussaavoq, taannalu killigalugu isumaqatigiissutissanik nutaanik isumaqatigiinniartoqartussanngorpoq. Isumaqatigiissummik tamanut samminerusumik isumaqatigiissuteqarnissaq Nunatsinniit kissaatigineqarpoq.

EU-mi aalisarnermut kommisærinngorlaaq Joe Borg (Joe Borss) Naalakkersuisup ataatsimeeqatigaa, erseqqissaatigalugulu tamanut samminerusumik isumaqatigiissuteqarusunneq.

Aalisarnermut isumaqatigiissummik taaneqartarsimassoq ukiut 20-ssaat ingerlavoq, - tamannalu kalaallit nunaanniit allanngortikkumaneqarpoq, Nunatta EU-mi aallartitaa Lars Vesterbirk radioaviisimut oqarpoq.

Isumaqatigiissutissat suussanersut Nunatsinni naalakkersuisut oqaatigisinnaanngikkallarpaat, EU-mili ministerit inuussutissarsiornermut siuarsaanernut tunngasut kiisalu kulturikkut paarlaasseqatigiittarnermut tunngasut isumaqatigiissutissattut piukkuppaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat