EU-mut ilaasortanngornissaq Inatsisartunut qinnuteqaatigaat

Islandimi naalakkersuisut Islandip EU-mut ilaasortanngornissaa pillugu qinnuteqaatertik akuereqqullugu maanna EU-mi inatsisartut qinnuigaat. Sapaatip-akunnerisa amerlanngitsut iluanni EU-mi inatsisartut akuersissasut Islandimi naalakkersuisut neriuutigaat.
Allattoq Mads Lynge
maajip 25-at 2009 17:14

Suliaq tamanna pillugu pingasoriarlugu EU-mi inatsisartunit oqaluuserineqartussami siullermeernera pingasunngorpat sisamanngorpalluunniit pissagunartoq Islandip ministeriunerata oqaaseqartartua oqarpoq. EU-mi inatsisartut akuersissappata EU-mut ilaasortanngornissamut qinnuteqaat juulip aallartilaarnerani nassiunneqassaaq.

Islandimi naalakkersuisoqatigiit socialdemokratiusut qinnuteqaat suliarisimavaat. Naalakkersuisooqataasulli De Venstre-Grønne ilaasortanngornissamut suli nangaassuteqarput.

Ilaasortanngornissamut isumaqatiginninniarnerit ukiorpaalunni ingerlanneqarsinnaapput, tunngaviusumilli isumaqatigiissutaasussaq qaammatit aqqaneq-marluk ingerlaneranni inissinneqarsinnaassasoq atorfilittat ilaasa ilimagaat, tassami Island niueqatigiinnermi EFTA-mi ilaasortaareermat.

EU-p Islandillu akornanni isumaqatigiissutaasussaq piareerpat Islandimi innuttanit taasissutigineqassaaq, maannalu inuiaqatigiinni isumaqataasut isumaqataanngitsullu amerlaqatigiingajattut isumasiuinerit takutippaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq