EU-mut eqqartuussisulersuussiniarneq nalersoqqinniarneqarpoq

Eqqartuussisulersuussineq ICC-p ulluinnarni sulineranut eqquisinnaasoq ICC-p præsidentia Aqqaluk Lynge, ICC-p siulersuisuisa ataatsimiinnerisa kingorna oqarpoq. Eqqartuussisulersuussineq unitsinneqassagaluarpat, suliaq ICC-p ingerlatiinnarniarpaa.

- EU-p puisit amiinik eqqusseqqusiunnaarniarnera piniartunut inuiaqatigiinnullu aningaasarpassuarnik naleqarpoq, taamaattumik akisussaasunik ujarlissaagut, uumasunik illersuisut malersuisut akisussaassuseqartariaqarput, inuiaqatigiinnut ikittunut taamatut pigamik, ICC-ip præsidentia Aqqaluk Lynge oqarpoq.

Taamatut malersuisoqarnerani ICC akiuunnissaminut nukissaqarpoq akissaqartariaqarlunilu, ICC-p præsidentia Aqqaluk Lynge oqarpoq. ICC-ip siulersuisuuneri aasaq ataatsimeersuarnerup kingorna siullermeerlutik Nuummi ataatsimiikkamik ukiuni tulliuttuni sisamani suliassat pingaarnerit pingasut oqaluuseraat. Taakkununngalu ilaavoq EU-p puisit amiinik eqqusseqqusiunnaarnissaanik ICC-p, issittumi nunallit suliniaqatigiiffii aamma KNAPK inuillu ataasiakkaat eqqartuussissunut suliassanngortitsinerat.

Eqqartuussisunut suliassanngortitsineq aningaasarpassuarnik naleqarpoq, taamaattumillu suliassap ingerlatiinnarneqarnissaa unitsinneqarnissaaluunniit pillugu ICC Kalaallit Nunaat aamma KNAPK piffissami qanittumi ataatsimeeqatigiissapput.