EU-mik isumaqatigiinniaqateqarnissat aallartissapput
Nunatta EU-llu aalisarnermut tunngatillugu isumaqatigiinniarnissaat Ilulissani ulluni pingasuni ingerlanneqartussat ullumi aallartissapput.
Isumaqatigiinniarnissani Namminersornerullutik Oqartussanit atorfilittat peqataassapput, Aalisarnermut Piniarnermullu Naalakkersuisoq Rasmus Frederiksen ilaassanngitsoq, Aalisarnermut Pisortaqarfimmi allaffiup pisortaa Emmanuel Rosing ilisimatitsivoq. Isumaqatigiinniarnissani isumaqatigiissutigineqartussap nunatta EU-mut aalisarnikkut isumaqatigiissutaa kingulleq taarsertussaavaa, kingullermillu isumaqatigiinniarnerit imaannaanngitsuusimapput, aalisagartassat ilaasa tamakkerneqanngitsoortarnerat EU-mit tunngaviginiarneqarsimammat. taamaalilluni aningaasat 320 million koruunit marlunngorlugit avinneqarput, aalisarnermut oqatussaanermut kiisalu ineriartortitsinermut agguataarneqarlutik.
