EU-mi ukiunik marlunngortorsiorput

maajip 01-at 2006 10:59

EUp killeqarfini kangimut annertusimmagilli ullumikkorpiaq maajip ulluisa aallaqqaataanni ukiut marlunngorput. EU-mut aallaqaammulli ilaasortaareersut 15-it Europap kangianeersunit suliartortartunik nalilersuipput. Suliartorniartunillu killilersuinerit nunat EU-mut ilaasortaasut affaasa taamaatitinniarpaat, malittarisassalluunniit inuppalaarninngortinniarlugit.

Ukiut marluk matuma siorna EU-p killeqarfini kangimut annertusimmagit akuersisut pingasuinnaapput, tassalu Tuluit Nunaat, Irland, Sverigelu.

Maannalu nunat sisamat, Spaania, Portugali, Grækenlandi, Finlandilu kangianeersunit atorfinnut aalajangersimasunut ilinniagalinnut killeqarfitik ammaatiterpaat.

Franskit Belgiamiullu sulisussaaleqisut akuersaaqaat, Danmarkimili sulisitsisut kattuffiit isumaqatigiissuteqarfigeqqaarlugit atorfinitsissisarniarput.

EU-p isumaginninnermut oqartussaatitaata tjekkeusup Vladimir Spitlap iliuuseq eqqortuliornerunerarpaa, iluatsilluartoq.

Danskit naalakkersuisuisa EU-p kangimut killeqarfii avasillineqarneranni suliartortunut piumasaqaatitik sakkortusivaat.