EU-mi siuttoq Nuummi tikeraarpoq
Kalaallit Nunaata EU-llu akornanni peqatigiinnissamut isumaqatigiissummut isumaqatigiinniarnernut EU-Kommissionip siuttua, Etienne Reuter, isumaqatigiinniarnerit pitinnagit Naalakkersuisut oqaloqatiginiarlugit, nunatsinnullu tunngasunut paasisassarsiuutigaluni, ulluni makkunani Nuummiippoq.
Aalisarnermut isumaqatigiissummut tapertaasumik ukioq 2007 aallarnerfigalugu Kalaallit Nunaata EU-llu akornanni annerusumik suleqatigiittoqarnissaa isumaavoq.
Aningaasaqarnermut Nunanullu allanut Naalakkersuisoq, Josef Motzfeldt, Naalakkersuisullu Peqatigiilluni isumaqatigiinniarnernut atatillugu Etienne Reuter-ip ataatsimeeqatigisimavai, aamma pisortaqarfiit suliffeqarfiillu isumaqatigiinniarnermut killiffimmik paasitinniarlugillu oqaloqatigisimallugit.
