EU-mi nukissamik atuinissaq isumaqatigiissutigineqarpoq

EU-mi klima pillugu pilersaarut isumaqatigiissutigineqarpoq. Taamaalilluni erseqqissumik paasinarsivoq EU-p 2020-mi nukissamik atuinissaata tamarmiusup 20 procentia nukissiuutinit ataavartuneersuussasoq, taamatullu Europap aqquserngini biilit ukiut aqqaneq-marluk qaangiuppata nukissaq mingutsitsinngitsoq 10 procent atorlugu ingerlalissallutik.
Allattoq Louise M. Kleemann
decembarip 09-at 2008 11:48

Britta Thomsenip Socialdemokratineersup EU-parlamentimi Socialdemokratit sinnerlugit isumaqatigiinniarnerni oqaaseqartartutut pingaarutilittut inissisimasup qanoq inerniliisoqarnissaa qilanaaraa.

- Qaammatit 22-t matuma siornagut EU-mi nunat marluk 20%-imik pinngitsuugassaanngitsumik piumasaqarneq aalajangiuppaat. Maannakkut nunat 27-nngorput. Isumaqatigiinniarnerit aatsaat taama sivisutigisut imaannaanngitsigisullu akuuffigaakka, Britta Thomsen oqarpoq.

Isumaqatigiissut danskit suliffissuaqarnerannut suliassaqarfippassuarni nukissiuutinik ataavartunik atuinermik siuttuusunut pingaaruteqartussaasoq tikkuarpaa.

Pingaartumik Italiami naalakkersuisut siuttuata Silvio Berlusconip nukissamik mingutsitsinngitsumik piumasaqaatit qasukkaamisinneqarnissaat sorsuutigai ilaatigut 2014-imi misissuisoqaqqinnissaa siunnersuutigalugu. Naggataatigulli akiuunnini taamaatiinnarsimallugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq