EU-mi kulturikkut kingornussat nittartakkami katersorneqalerput
EU-mi kulturikkut kingornussat nittartakkami nutaami katersugaatinngortinneqalerput. Suliffeqarfiit kulturimut tunngasunik suliaqartut, atuakkanik atorniartarfiit, kiisalu naalagaaffiit toqqorsivii Europami nunanit tamalaaneersut, nittartakkap pilersinneqarnissaanut paasissutissanik millioonerpassuarnik tapiissuteqarput.
Allattoq Louise M. Kleemann
novembarip 20-at 2008 08:42
Nittartakkami atuakkat, qalipakkat, filmit allallu kulturimut tunngasut 2010-miit katersaatigineqalissapput.
Nittartakkami Beethoovenip erinniarsua nr. 9 maannakkumiit tusarnaarneqarsinnaalereerpoq aamma katersugaasivissuup Louvre-ip qalipagaataanik qupperaasoqarsinnaalereerluni.
EU-p kommissioniani siulittaasup, José Manuel Barrosop, nittartakkap atulernissaa qilanaarilereerpaa.
- Nittartagaq ilinniartut, eqqumiitsuliornermik nuannarisallit ilisimatuullu paasisassarsiorfigalugu atorluarsinnaalissaqaat, Barroso oqarpoq.
Nittartagaq www.europeana.eu. alakkarneqarsinnaalereerpoq.
