EU-mi isumaqatigiipput

Nunat EU-mi ilaasortaasut qullersaat ukiuni arfinilinni assortuutereerlutik, Bruxellesimilu sivisungaatsiartumik ataatsimeerlutik isumaqatigiipput.

EU-mi isumaqatigiissut siammasissuussaaq, suleqatigiinnermullu oqilisaataassalluni, taama Jyllandsposten allappoq.

EU-mi naalakkersueqataanermi inatsisissamut, Franskit Hollandimiullu 2005-imi naaggaareersullu, ukiuni marlunni EU-mi ingerlatsineq uninngasutut issimareerluni, Tyskit EU-mi siulittaasuat, forbundskansleri Angela Merkel isumaqatigiinniarnerni siuttuusoq, isumaqatigiissummik naammagisimaarinnippoq.

- Angorusutarput anguarput, EU-milu unittooqqaneq taamaatippoq, taamaammat isumaqatigiissusiorsinnaaneq ajornannginnerulissaaq, EU-milu sulineq aallarteqqissinnaassalluni, Angela Merkel ullaaq taama oqarpoq.

EU-mi isumaqatigiissutissaq juullinnginnerani atsiorneqarluni naammassineqassaaq, atsiorneqarpallu nukittuumik demokratiskiunerusumillu EU ingerlatsiviulissaaq. Aamma EU-mi præsidenteqalerlunilu nnunanut allanut ministereqalissaaq, taakkualu 2009-mi atuutilissapput.