EU-mi innuttaasut tamarmik internettersinnaalissapput
Kommissionip sinnersuuteqarneratigut, EU-mi innuttaasut tamarmik qarasaasiat atorlugit internetimik atuisinnaanngussapput.
Siunnersuut immikkoortunut pingasunut avinneqarpoq.
Nunat killeqarfii akimorlugit assigiimmik malittarisassiorneqarnissaat kommissionmit qulakkeeqqaarniarneqarpoq.
Siunnersuummi pingaarnerit aappaatut siunnersuutigineqarpoq, TV-ikkut radiukkullu aallakaatitsinerni nassitsissutit analogiusut atorunnaarsinneqarnissaannik iliuusissat.
Qarasaasiatigut attaviit pitsaanerulernissaannut pisortanit namminersortunillu aningaasartuutit appasinnerunissaat siunnersuummi qulakkerniarneqarpoq.
EU-mi anguniarneqarpoq EU-mi innuttaasut tamarmik ukioq 2020-mi internetikkut attaveqalernisaat, minnerpaamik internetimut attavik 30 mb-imik annertutigisoq atorsinnaalissagaat.
Ullumikkut EU-mi innuttaasut pingajorarteruutaat taamaallaat internetimik atuisinnaapput.
Danmarkimi innutaasut 100-juugaangata ataaseq internettimut attaveqarpoq, taamalillutik Danmarkimi innuttaasut internetimik attaveqartut amerlanersaapput innutaasunut EU-mi najugaqartunut sanilliullutik.
