EU-mi inatsisartunut ilaasortat Bruxelles imi ataatsimiittarfimmi taasisoqarnerani inernerusussat paasinarsimmata skotlandimiut inuulluaqqussummik erinarsuutaat "Auld Lang Syne" appippaat.Assi: Yves Herman/AFP/Ritzau Scanpix

EU-mi inatsisartut breximut isumaqatigiissut akuerigaat

Tuluit Nunaata EU-mit ilaasortaajunnaarnissaanik isumaqatigiissut EU-mi inatsisartunit akuersissutigineqarpoq.

Ilaasortat 621-it akuersipput 49-it isumaqataanik 13-illu taaseqataanatik.

Tuluit Nunaat EU-mi januaarip ulluisa 31-anni tallimanngorpat ilaasortaajunnaassaaq.

EU-mi inatsisartunut ilaasortat Bruxelles imi ataatsimiittarfimmi taasisoqarnerani inernerusussat paasinarsimmata skotlandimiut inuulluaqqussummik erinarsuutaat "Auld Lang Syne" appippaat.

EU Kommissionip aamma Tuluit Nunaanni inatsisartut Tuluit Nunaata EU-mit ilaasortaajunnaarnissannut isumaqatigiissut akuersissutigereerpaat.

AAMMA ATUARUK Dronning Elizabethip Tuluit Nunaata EU-mit aninissaa akuerigaa

Maanna tassa EU-mi inatsisartut isumaqatigiissut akuersissutigaat, akuersissullu allagaanngorlugu sisamanngornermi akuersissutigineqassaaq.

Tuluit Nunaat EU-mi ilaasortaajunnaassaaq tallimanngorpat tuluit nunaata nalunaaqutaa malillugu unnukkut aqqanermut. Kalaallit Nunaata nalunaaqutaa malillugu unnukkut arfineq pingasunut.

Tuluit Nunaata EU-mi ilaasortaajunnarnera malunnartillugu ministeriuneq Boris Johnsen TV-ikkut toqqaannartumik oqalugiassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat