EU-mi ilaasortaq pinerluuteqarsimasoq

Franskit EU-mut aallartitaat Edith Cresson pinerluuteqarsimammat eqqartuunneqartussanngorpoq, taassumali aningaasarsiarpassuani annaassanngikai oqaatigineqarpoq.

EU-p ataatsimiitsitaliarsuani franskit ilaasortaatitaat Edith Cresson ullumi eqqartuunneqarpoq. Taassumami 1999-mi peqquserlussimanerata EU-mi ataatsimmitsitaliarsuarmi suleqatigiinniarneq ajoqusersimammagu.

Edith Cresson-ip kammalaatini atorfinitsittarsimavai akissarsiaqartilluarlugit. Soorlu kigutilerisuni, aids-imik paasisimasalittut atorfinitsissimavaa, aids-imik paasisimasaliunngikkaluartoq.

Cresson-ip pinerlussimanerata paasisaanera immini pillaataasutut EU-p eqqartuussivianit Luxembourg-imiittumit ullumi nalilerneqarpoq. Cressonip EU-p ataatsimiitsitaliarsuanut ilaasortanut piumasarisat naammassisimanngikkaluarai, soraarnerussutisiassani annaassanngilai.

EU-mik illersuisut akerliusullu eqqartuussivimmi inerniliussaq akerleraat.

EU-mi qullersanut ilaagaanni pillarneqarnissaagaluaq anigorneqarsinnaavoq, ullumikkut aamma assinganik pisoqarsinnaavoq, Danmark-ip EU-mut aallartitaa Jens-Peter Bonde oqarpoq.