EU-mi aalisarnermut politikki kukkulluinnarpoq
Aalisarnermut politikkip allanngortiterujussuarnissaa pillugu ullumi saqqummiussaqarnerminut atatillugu kukkusoqarsimanera kommissærip nassuerutigaa.
Europami aalisagaqassuseq tamaat isigalugu 88 procentii aalisapilunneqarput, nunarsuarmi tamarmi aalisagaqassuseq isigalugu 25 procentit aalisapilunneqartut.
Nalunaarusiornermut atatillugu oqaatigineqarpoq aalisagartassat peqquserluttuliornikkut annertussusilersortarneranni, biologit aalisarneqarsinnaasut 57 procentii tamakkiisumik ilisimasaqarfiginngikkaat.
Aalisagaqassuseq 2003-mili pitsanngoriarsimanngitsoq, EU-mit tusagassiuutinut nalunaaruteqarnermi erseqqissaatigineqarpoq.
Aalisarnermut kommissæri Joe Borg, EU-mi aalisarnermut politikkimi qaffasinnerpaamik inissisimasoq naliliivoq, paasisat nutaat annilaarnarluinnartutut nalilerini maannangaarlu iliuuseqarfigisariaqartut.
