EU-mi aalisarneq pillugu isumaqatigiissutissaq kinguartinneqarpoq

Aalisakkat pillugit EU-mi isumaqatigiinniarnermi ataatsimiinnissap pingajuassaanik ingerlanneqarnissaa oktoberip qeqqani London-mi ingerlanneqartussaagaluartoq, inatsisartunut qinersisoqalenera pissutaalluni kinguartinneqarpoq.

Ikerinnarmi qinersinissamik Hans Enoksen-i nalunaaruteqareersorlu, aalisarneq pillugu EU-mi isumaqatigiinniarnissaq kinguartinneqarpoq. Atorfilittat isumaqatigiinniarnissamut aallartitaasut politikkikkut tunuliaqutaqartussaammata, isumaqatigiinniarneq aatsaat ingerlanneqaqqissinnaalissaaq, Novembarip 22-iani qinersisoqareerpat naalakkersuisunngortitsisoqareerpallu. Suliassat allat maannamut atorfilittat ingerlakkaat, Namminersornerullutik Oqartussat Bruxelles-ip ministeriisa aalajangersaasarfiani aallartitaat Lars Vesterbirk oqarpoq.

- Decembarip qaammataani isumaqatigiinniarnerup naammassineqarnissaa piviusunngorsinnaanngilaq, Naalakkersuisut nutaat siusinnerpaamik decembarip aallaqqaataata nalaani aatsaat inissinneqarsimassammata. Isumaqatigiinniarnissap pingajussaaneernissaa januaarip qaammataani aatsaat ingerlanneqarsinnaassasoq ilimagaara, Bruxelles-mi aallartitaq Lars Vesterbirk oqarpoq.

- Ikerinnarmi qinersisoqalerniarnerata kingunerisaanik isumaqatigiinniarnissap kinguartitsinneqarnera EU-p ajunngitsumik tiguaa, suliniarnermulli kinguarsaammat, EU-p soorunami uggoraa.

Isumaqatigiinniarnissaq inissinniarneqartussaavoq, isumaqatigiissullu Januaarip aallaqqaataani ukioq 2007 atuutilertussaalluni. EU-p isumaqatigiissutinik akuersiniartarnera sivisusinnaasarpoq, taamaammallu kommissionip ernumassutigaa, isumaqatigiissutissap inissinneqarnissaanut angumerisisoqarsinnaassanersoq.

Lars Vesterbirk aamma oqarpoq nutaanik naalakkersuisuutitaqalernissap tungaanut, Bruxelles-mi atorfilittat ataatsimiittarnitik ingerlatiinnaraat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat