EU kommissioni tusarniaavoq
Atuagassiaq OLT naapertorlugu isumaqatigiissutip, 1985-imili Kalaallit Nunaat taamani EF-iusumut ilaasortaajunnaarnermi kingorna isumaqatigiissutigisaata, pisortatigoortumik innuttaasut oqalliseqataanissaannut najoqqutassiaavoq.
EU-mik isumaqatigiissut taanna naapertorlugu EU-p aalisagartassittarneratigut Kalaallit Nunaat 320 milliuuni koruuninik akilerneqartarpoq. Kingornatigut ilinniartitaanermut suliassatullu pilersaarutinut tapiissutinik aningaasat ilaneqarput. EU-p Kalaallit Nunaatalu akornanni isumaqatigiissut kingullermik 2006-imi nutarterneqarpoq.
Bruxelles-imi Kalaallit Nunaata aallartitaqarfianit nalunaarutigineqarpoq naalakkersuisut, atorfeqarfiit, kattuffiit inuillu ataasiakkaat tamarmik tusarniaanermi saaffigineqartut, tamannalu ukioq manna oktobarip ulluisa 17-iata tungaanut ingerlanneqassasoq.
Tusarniaanerup inernera aallaavigalugu EU-p nunat immikkoortortaannik naalagaaffinnillu 21-nik nutaamik isumaqatigiissusiassaannik siunnersuusiortoqassaaq, taannalu EU-Kommissionimit saqqummiunneqassaaq.
Tusarniaanermi najoqqutassiap imaraa nunarsuarmi tamarmi inuit susassaqaqatigiinnerulernerat silaannaallu allanngoriartornera, kiisalu inunnik isumaginninnerup aningaasaqarniarnerullu tungaasigut ajornartorsiutaasut nutaamik isumaqatigiissusiornermi aallaaviginissaat.
