EU Issittumi pissutsinut akulerunnerulerniarpoq

Issittumi pissutsit pillugit EU ataatsimoortumik politikkeqarnikuunngilaq, naak nunat EU-mi ilaasortaasut Danmark, Sverige Finland-ilu Issittumut tunngassuteqartunik soqutigisaqaraluartut.

Aalajangersakkamik akuersissuteqartoqarnikkut avatangiisit eqqarsaatigineqarnissaat aammalu nunat pissaaneqarnerusut Issittumi pinngortitami pissuussutit uulia, gassi aalisarnermillu soqutigisaqarnerannut EU ilannguppoq.

Issittumi nunat inoqqaavi silap pissusaata allanngorneratigut allamut nuuttariaqarnerat aalajangersakkami akuersaarneqarpoq. Soorlu aamma Issittumi sikup akkiartornera ilutigalugu umiarsuit ingerlaartarfiisa periarfissaqalernissaat, Issittumi najugaqartut nutaanik aningaasarsiorfeqalernissaat aamma akuersaarneqartoq.

EU Issittumi Siunnersuisoqatigiit Det Arktiskt Råd-i ataatsimiikkangaangata tamatiguunngitsoq alaatsinaattutut inissisimasarpoq, maannakkulli Europami Inatsisartuni ilaasortanit kissaatigineqarpoq, Issittumi Siunnersuisooqatigiit ataatsimiikkaangata EU-p ataavartumik alaatsinaattutut inissisimalernissaa.