EU Egyptenimiunut eqqissisaavoq

EU-mi ilaasortat nunanut allanut ministeriisa isumasioqatigiinnerisa kingorna EU-mi nunanut allanut ministerip Egyptenimi partiit tunuarsimaaqquaat perulluliornaveersaaqqullugillu.
januaarip 31-at 2011 17:11

Ministerit aamma nalunaarumini allapput, Egyptenimi naalakkersuisut inuit katersuussinnaanerat isummaminnillu annissisinnaatitaanerat ataqqisariaqaraat.

Ministerilli taamatut kaammatuigaluartut Egyptenimi naalakkersuisut annertunerusumik nutartererusunngillat, ullunilu kingullerni pisut inuit arlallit inuunerannik akeqarsimanerat aliatssannartutut isigineqartoq oqaatigalugu.

Tassa taamaalilluni Mubarakip præsidentitut tunuarnissaa EU-miit suli piumasarineqanngilaq.

Egyptenimi tassa akerliussutsimik takutitseqattaarnerit suli ingerlanneqartuarput.

Cairomi interneti matuneqarsimavoq, illuatungiliuttulli præsident Hosni Mubaraki tatisimajuarniarlugu aqagu "miliuunillit akerliunissaata" pilersaarutigineqarnera sms-ikkut oqaasiinnakkullu siaruaappaat.

Inuppassuit aqagu akerliussutsimik takutitsinissarsuarmut nukitik sipaaraluaraat, suli Cairop qeqqani Tahririp illoqannginnersaani ullut arfineq aappassaat katersuussimaarput.

Politiit nuannarineqanngeqisut illoqarfiup qeqqani takussaanngillat aneqqusinginnerlu sakkutuut pimoorutingilaat, unnukaallu sakkutuut nalunaarput akerliussutsimik takutitsisut peqqarniitsuliorfiginiarnagit.

Ole Ryborgip Bruxellesimiit ilanngutassiaa taama kalaallisuunngortipparput.