EU Canadallu akornanni killeqanngitsumik niuersinnaaneq atsiortussanngorpaat
EU Canadalu sapaammi ataatsimeersuassapput. EU-p præsidentia Donald Tusk attaveqatigiifftarfimmi Twitterimi tallimanngornermi unnukkut taama allappoq.
- Suliaq naammassineqarpoq. Canadami ministeriunermik Justin Trudeamik EU Canadallu sapaammi ataatsimeersuarnissanik isumaqatigiissuteqaqqammerpugut Tusk taama allappoq.
Killeqanngitsumik niueqatigiinnissamik isumaqatigiissummik Ceta-mik taaguuteqartumik sapaammi nalunaaqutaq ullup qeqqanut persuarsiorluni atsioqatigiittoqassaaq, EU-mi præsidentip oqaaseqartittagaa Preben Aamann taama nalunaarpoq.
Canadami ministeriunerup Justin Trudeaup sapaatiuppat naapinnissamut qilanaarpoq nutaarsiassatsialattullu taallugu.
Canadap EU-llu akornanni killeqanngitsumik niuersinnaaneq Belgiap naalagaaffiata ilaani Valloniami tallimanngornermi akuersissutigineqarpoq.
Canadap EU-llu akornanni killeqanngitsumik niuersinaalernermi akitsuutit 99 procentii atorunnaassapput.
/ritzau/