EU 50-iliivoq

Ullumi EU 50-iliivoq. Europami illoqarfissuarni nalliuttorsiorneq malunnartinneqarpoq, ilaatigut aqqusinerni nipilersorluni nuannannerit ingerlanneqarlutik. Nunat ilaasortat siuttui , ukiuni tulliuttuni 50-ini pilersaarusiorniarlutik maannakkut Berlin-imi naapipput.

EU-mi ilaasortaasut siuttui ingillutik nipilersortunik tusarnaarput.

- Ukiut 50-it matuma siorna, EU pilersillugu nunat arfinillit Rom-imi naappipput. Maannakkut nunat 27-it EU-mut ilaasortaapput, ataatsimoorlutik kommissioneqarput, ataatsimoorlutillu parlamenteqarlutik, Tyskit kansleriat, EU-milu siulittaasoq Angela Merkel oqarpoq. Taanna Tyskland-imi kangillermi kommunistit nalaanni peroriartorpoq.

- Demokratii inatsisillu malillugit nunaqarneq EU-mi ingerlalluarpoq, Angela Merkel naammaginnissimaarluni oqarpoq.

Nunat EU-mi ilaasortat tamanna persuarsiutiginiarlugu aalajangersimapput. Ukiuni kingullerni 50-ini pisimasut pillugit quppersakkami allaaserinnittoqarpoq, siunissarlu ornitassaq tulliuttoq allaaserineqarluni.

EU-p iluani inatsisit pillugit assortuuttoqarnera pillugu suleqatigiinnermi ajornartorsiutaasut qanoq ilillugit aaqqinneqassanersut, suliassanut tullernguupput. EU-milu ajornartorsiutaasut aaqqinniarlugit EU-mi siuttuusut tamaviaartariaqarput.

Ukiut 25-it matuma siorna, EU-mut ilaasortaaneq kalaallit nunaanni innuttaasunit taasissutigineqarmat, 53 procentinit EU-mut ilaasortaanissaq naaggaarneqarpoq.