Nunanit allanit

Etiopiamiut ministeriunerat Nobelip eqqissinermut nersornaasiuttagaanik nersornaaserneqassasoq

Etiopiap ministeriunera nunami sanilerisamini Eritreami eqqissinermik suliniuteqarsimanera pissutigalugulu Nobelip eqqissinermut nersornaasiuttagaanik 2019-imi nersornaaserneqarpoq.
Abiy Admed Etiopiami apriili 2018-imi ministeriuninngorpoq. Eritreamullu eqqissinermut isumaqatigiissusiorsimanera pissutigalugu maanna ukioq ataaseq affarlu qaangiuttoq Nobelip eqqissinermut nersornaasiuttagaanik nersornaaserneqarpoq. Assi © : Michael Tewelde/AFP/Ritzau Scanpix
Allattoq Ritzau, Anton Gundersen Lihn, Jaaku Lyberth
oktobarip 11-at 2019 08:20

Etiopiamiut ministeriunerat Abiy Ahmed Nobelip eqqissinermut nersornaasiuttagaanik tunineqarpoq, Etiopiamiut ukiorpassuarni akeraanik nuna sanilerisaanik Eritreamik eqqissinissamik suliniuteqarsimanera pillugu.

- Ministeriunertut qinigaanerminit piffissami sivikitsuinnarmi tupinnaannartumik amerlasuunik suliaqarpoq. Nunamik sanilerisamik Eritreamik eqqissinissamik isumaqatigiissumik atsiorpoq, aamma Sudanimik isumaqatigiinniartoqarmat kinguneqarluartumik suliaqarpoq, eqqisinissaq pillugu ilisimatusarftoq Isabel Bramsen DR-imut taama oqaluttuarpoq.

Taassuma ilanngullugu eqqaavaa, Abyi Ahmedip eqqissineq pillugu ministeriaqarfimmik pilersitsisimammat.

Isabel Bramsenip oqarnera naapertorlugu nersornaasiinermi nunarsuarmiut Etipiamut isiginninnerulerulissasut, Abyi Ahmedillu eqqissinissamik suliniuteqarnerata ingerlaannarnissaannut ilungersornerulertoqarumaartoq.

Abyi Ahmed nobelip eqqissinermut nersuunaasiuttagaanik tunineqarnissaanik piukkunneqareerpoq.

Nersornaaserneqartussatut piukkunneqartunut ilaapput, Issittumi Siunnersuisoqatigiit aamma silap pissusaa pillugu ilungersuutiginnittoq svenseq niviarsiaraq Greta Thunberg.

Nobelip eqqissinermut nersornaasiuttagaa decemberimi tunniunneqassaaq.

Aamma atuaruk