Esmar Bergstrøm attaviitsutut inatsisartuni ilaasortaaginnassaaq. Taamaattorli Inuit Ataqatigiit suleqatigiinnissamik isumaqatigiissusiorfigai.
Tamanna imatut paasisariaqalerpoq: Esmar Bergstrøm partiit arlaannut ilaasortaassanngilaq ataatsimiititalianilu ilaasortaaffeqassanani – nammineq soorluttaaq oqarsimasoq tamanna nammineq qinerini.
Esmar Bergstrømi IA-kkunnilu sulisut allaffimmi atortut avitseqatigiissutigisassallugit isumaqatigiipput. Esmar Bergstrømip atorfeqartitani nammineq akilissavai allaffissornermili aningaasartuutit isumaqatigiissut naapertorlugu avillugit akilerneqartassapput.
Inatsisartuni taasisoqassatillugu illuatungeriit assigiimmik taasisariaqanngillat, taamaattorli isumaqatigiissut naapertorlugu taasissutiginiakkat isumaqatigiissutigineqarsinnaapput.