Eskimomik taagorneqarnermit Inummik taagorneqalernermut

Akilinermi kattuffikupInuit Tapiriit Kanatami-p ukiunik 40-nngortorsiorluni ulluni pingasuni nalliuttorsiornera maanna qaangiussimalerpoq.Inuit arlaqanngitsut naggueqatigiit Inuit pitsaanerusunik atugassaqartitaalernissaat pisinnaatitaaffeqarnerulernissaallu anguniarlugit peqatigiiffimmik pilersitsinerisa kingorna, ukiut qulikkaartut sisamat kingumut qiviarneqarput.

Ukiuni 40-ni angusaqarusuttoqarsimaqaaq iluatsittorpassuillumi amerlaqaat. Inuit Tapiriit Kanatamip ataatsimeersuarnerani qulequtaqarluni Ukiut 40-t ingerlaneranni eskimomik taagorneqarnermit Inummik taagorneqalernermut oqallinnermi peqataasut namminneq misigisimasaminnik oqaluttuarput, arlalissuillu ukiut 40-t matuma siornagut atorfilinnit normuinnalittut taaguutigisimasatik atorlugit imminnut ilisaritittarput. Soorlu ilaat atiinik taagornagit taagorneqarput E-46, matumani E isumaqartinneqarluni Eskimo.

Pissutsit allanngorsimapput , maannami nunap immikkoortuini naggueqatigiit Inuit nunaat sisamaasut nunaqaqqaartunit pigineqalereerput, tassaasut Nunavik, Nunatsiavut aamma Nunarput, tamatuma saniatigut naggueqatigiit Inuit nunap immikkortuanik nutaamik pilersitsipput, tassaasumik Nunavut.

Oqalugiartunit tulleriinnit erseqqissarneqartarpoq, naggueqatigiit Inuit Canadami ullutsinni siunissamilu maanna qitiusumik inissisimasut, tassa matumani silap pissusaata allanngoriartornera, pisuussutinik atuineq nunagisamullu oqaasissaqarneq pineqartillugit. Ineriartornerli sukkasoorujussuaq tamanna allanngornerillu naggueqatigiinnut Inunnut akisusimaqaat, tassami isumaginninnikkut ajornartorsiutit, imminut toquttarneq, suliffissaaleqineq, persuttaasarneq pinerlunniartarnerillu ajornartorsiutaaqimmata.

Inuit Tapiriit Kanatami siulittaasup Mary Simonip ataatsimeersuarnermi arlaleriarluni oqaatigisarpaa, ilinniartitaanerit ullutsinnut naleqquttut kulturimullu takornartaanngitsut aqqutissat ilagigaat. Canadami ministeriunerusimasoq Paul Martin ataatsimeersuarneq nalliuttorsiualaarnerlu naggaserlugit oqalugiarami oqarpoq, naggueqatigiit Inuit inuusuttaat parnaarunnagitilinniartinneqartariaqartut, atuarfiilli ullutsinnut naleqquttuussapput inuusuttullu ilinniakkatik atorsinnaassavaat, tamannalu ersaartaalluarneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat