Eskimo Pels matuvoq

Narsami ammerivik Eskimo Pels, 1974 -imili amernik mersortarfiusimasoq matuvoq.

Ualimut suliffeqarfiup silulersuisui nunatta eqqartuussivianik ataatsimeeqateqartqareersullu nalunaarutigineqarpoq suliffeqarfik akiliisinnaajunnaartoq.

-Ullumikkut ulloq nuanninngilluinnarpoq, ammerivik matuvoq sulisullu qulingiluaasut ullumimiit suliunnaarnerannik nalunaarfigisariaqarsimavavut, taama oqarpoq Narsami ammeriviup Eskimo Pelsip pisortaanera, Sheila Holding.

Radioaviisip paasisai naapertorlugit ammerivik millioni ataaseq pallillugu amigartooruteqarsimavoq. Amigartoorutillu ukiut arlaqartut ingerlaneranni amerliartorusaarsimapput.

Siullermiilinngilaq Eskimo Pelsip akiliisinnaajunnaarnernermik nalunaaruteqarnera. Tamanna aamma 1992 -imi pivoq. Taamanikkut amernik mersortarfik piginneqatigiiffittut aallarteqqippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat