Filmip Eskimo Divap angallallugu takuteqattaarneqarnera iluatsitsiffiulluarpoq. Sinerissami illoqarfinni arlalissuarni takutinneqarnerani isiginnaariarpassuusimapput. Qaqortumilu takutinneqarmat 250-it tungaannoortut isiginnaariarput. Takutinneqareermat oqallittoqarpoq, filmimilu pingaarnertut inuttaasup, Nuka Bisgaardip, apeqquteqarfiginissaanut periarfissaqarluni. Apererusuttullu amerlapput.
Najuuttut ilaata oqaluttuaraa anguteqatinoortuunini pissutigalugu uumisaarneqartarluni. Allalu isumaqarpoq, suiaqatinoortutut inooriaaseq biibilimi allassimasunut naapertuutinngitsoq.