Ernumasoqarlunilu periarfissanik takusaqartoqarpoq
Naalagaaffiit Peqatigiit silaannaq pillugu ataatsimeersuartitsineranni Montrealimi ingerlanneqartumi, issittumut ippassaq ulloritinneqartumi, issittumi silaannaap allanngornera
oqaluuserineqarpoq.
Oqalugiartut amerlanersaat allannguutinut takuneqarsinnaalereertunut ernumapput, aammali ilaqarput, periarfissanik siumullu isiginerusunik eqqarsaatilinnik. Taakku isumaqarput, siku annertunerusoq aappaat Amerika avannaqqullugu immakkut aqqut atorlugu umiarsuarmik assartuisoqarsinnaalissasoq.
Europap, amerikap-avannaata Japanillu tungaannut Amerika avannaqqullugu immakkut aqqut Suez-kanalimit naanneruvoq, ullut pingasut sisamalluunnit sipaarneqarsinnaallutik. Taamatuttaaq Siberiami gasseqarfissuit uuliaqarfissuillu sikup aanneratigut tikikkuminarnerulernissaat neriuutigineqarpoq.
Oqalugiartut arlallit taamaalillutik isumaqarput, silaannaap allanngornera sikullu aannera issittumi inunnut aningaasatigut periarfissagissaarnerulersitsissasoq.
