Assi: Ivik Kristensen/KNR

Vittus: Ernumanissaq aarlerisaaruteqarnissarluunniit kissaatinginngilara

Kinamiut ingerlatseqatigiiffiata Kuannersuarni pilersaarummut suleqataaniarluni Greenland Minerals and Energymi piginneqataassutsinik pisinera, Nunanut allanut tunngasunut naalakkersuisup ajoriffissaqartinngilaa:

- Siusinnerusukkulli oqareernittuut isuamqarpunga nuannaarutigisariaqartoq GME-p suliniutaata piviusunngortinniarneqarneranut aningaasaliisussanik allanik saqqummertoqarsimanera nuannaarutigisariaqartoq,

Nunanut allanut tunngasunut naalakkersuisoq Vittus Qujaukitsoq taama oqarpoq.

Kinamiulli GME-mi piginneqataassutsinik pisinerat nunani tamalaani uissuummisitsivoq, minnerunngitsumik USA-mi.

GME-mmi Kuannersuarni saffiugassanik qaqutigoortunik ilaatigullu uranitalinnik piiaasinnaanissamut akuersissuteqarpoq, Kinallu tamakku kisermaattutut ingajappai. Aviisip Politikenip tamanna sapaatip-akunnerata siuliani allaaseraa.

Eqqississimasariaqartugulli Vittus Qujaukitsup oqaatigaa, nunatta aningaasaliiffigissallugu kajuminnartuunissaa tutsuiginartuunissaalu oqaatigalugu:

- Ernumasaarinissaq, aarlerissuteqarnissarluunniit taakku salliutillugit oqallinnermut akuliunnissara uanga kissaatiginngilluinnarpara. Apeqqutaanngilaq kinamiut aningaasaliisut, imaluunniit allat piginneqatigiiffimmut 12,5 procentimik piginneqataalersimanerat taanna nuannaarutaasariaqartoq nunarput aningaasaliiffigissallugu soqutigineqarmat, taannalu aallaavigalugu uanga nuannaarutigaara taamatut pisoqartussanngornera, Vittus Qujaukitsoq taama oqarpoq.

Kuannersuarni piiaasoqalissappat, Greenland Minerals and Energymi piginneqataassutsit 60 procentiinik Shenghe Resources pisisinnaassanersoq, taamaasillunilu GME-mik aqutsisunngorsinnaassanersoq nalornissutigineqarpoq. Shenghe Resourcesip GME-mik aqutsisunngoratarsinnaanera GME-p ilumuunnginnerarpaa, piginneqataassutsilli pillugit misissuisoqartussaanera pissutaalluni Vittus Qujaukitsoq isumalluarpoq:

- Maluginiarpara aatsitassanut naalakkersuisoq taanna pillugu suliap sukumiinerusumik paasiniaaffigineqarnissaanut suliaq aallartissimagaa, taannalu soorunami Naalakkersuisuni qilanaarpugut, aamma sukumiinerusumik paasisaqarfiginissaa, Nunanut allanut naalakkersuisoq Vittus Qujaukitsoq KNR-imut oqarpoq.

Aamma atuaruk Evaldsen: GME pillugu nalunaarut misissorneqalerpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat