Ernumanartumik ileqquliussaqariartorneq: Meeqqat inuusuttullu nakuusertunik immiussanik siammarterisartut
Meeqqavit mobiilernermini suna isiginnaartarneraa nalunngiliuk?
Nalugukku aperiuk. Paarisa, Kalaallit Nunaanni Politiit Kalaallit Nunaannilu pinerlutsitsinaveersaarnikkut siunnersuisoqatigiit taama kaammattuuteqarput.
Piffissamimi matumani nakuusernermi allatulluunniit innarliiniarnerni videoliat, nittartakkakkut inuit attaveqatigiittarfianni, TikTokikkut siammarterneqartarnera ileqquliuunneqaleriartorpoq.
AAMMA ATUARUK Severinep ernera saassunneqartoq: Anaanatut ernumanarpoq kamaammernarlunilu
- Una tusagassiorfinnut nalunaarut inuit attaveqatigiittarfiannut, meeqqat inuusuttullu nakuuserneq pillugu arlaannik immiusseriarlutik siammarterisarnerannut tunngavoq, Paarisami immikkoortortaqarfimmi pisortaq, Tina Evaldsen oqarpoq.
Ikiorneqarnissamik, imaluunniit oqaloqateqarnissamik pisariaqartitsivit?
Tusaannga oqarasuaammut 801180-mut imaluunniit SMS 1899-imut attavigineqarsinnaavoq.
Tusaannga ammasarpoq:
Ataasinngorneq-Sisamanngorneq nal. 09:00 – 22:00
Tallimanngorneq nal. 09:00 - 04.00
Arfininngorneq nal. 16:00 – 04:00
Sapaat nal. 16:00 – 22:00
Siunnersuinermik suliniut Tusaannga
Sunaana ernumanartoqartoq?
- Una anguniarparput angajoqqaanut kaammattuigatta qitornaminnik taamatut videokkut sakkortuunik takusaqarsimatillutik nakuuserneq pillugu arlaatigulluunniit imminnut innarliisunik immiussisoqarsimatillugu siammarterisoqaraangat, qitornaminnik oqaloqatiginnittarnissaannik kaammattuisugut.
Inersimasut pisariaqartinneqarput
Nakuuserluni innarliiniarluniluunniit videoliarnik nittartakkakkut siamarterineq Tina Evaldsenip erseqqissaqqippaa.
- Tassa meeqqat sakkortuumik takusaqarsimagaangamik pinngitsooratik oqaloqatigiissutigisariaqaramikku, takusartik sumununa tunngasoq, misigissutsimikkut eqqarsartaatsimikkut aamma assut eqqugaasinnaagamik. Angajoqqaat inersimasullu akisussaaffeqarput meeqqat taamatut inuit attaveqatigiittarfianni atuinerat aamma mianersuutassaagamik.
Angajoqqaat qanoq iliorsinnaappat?
- Angajoqqaat meeqqaminnik eqqumaffiginnillutik oqaloqateqartarunik, meeraq pinaveersaartissinnaagamikku. Taamatut iliuuseqarneq peqqinnanngitsuusoq, taamatullu aamma iliuuseqartussaanngitsut, taava soorunami tamakku siammarterisarnerit unitsissappata, inerteqqutaammatallu angajoqqaat meerartik oqaloqatigisariaqaramikku
