Ernisussiortut nunatsinni pisariaqartinneqarput

Nunatsinni siullerpaamik, ernisussiortut ikiortaannik ilinniagaqartoqalerpoq.

Maniitsormiu Anne Grethe Josefsen taama ilinniaqqinnermigut ippassaq allagartartaammat.

Taanna aperaarput, ilinniagarilikkani ulluinnarni qanoq atussaneraa.

- Ilinnialinngikkallaramatulli naartusut misissortassavakka.

Ernisussiortut ikiortaattut ilinniarsimaneq nunatsinni qanoq pisariaqartinneqartigiva?

- Atorfissaqartinneqangaatsiarpoq, sundhedmedhjælperit atuarfiat taamaatimmalli sinerissami ikilartungaatsiarsimavugut, taamaammat pisariaqartorujussuuvoq nutaanik ilinniartoqarnissaa.

- Soorlu eqqarsaatigalugu sineriammi juumooqanngiffinni ernisussiuisartut utoqqaliartortussaapput, taakkulu paarlanneqarnissaat siunissami eqqarsaatigisariaqarpoq, Anne Grethe Josefsen oqarpoq.

Taama oqarpoq, ernisussiortut ikiortaattut ilinniagaqalerlaaq Anne Grethe Josefsen, taassuma Juumuutut qaffassaqqinnissi pilerigaa, taamali ilinniaqqinniaraanni Danmarkimi ukiut pingasut ilinniartariaqarmat sivikillilerneqarsinnaagaluarpat pilerigisinnaanerarpaa.