Ernisussiortut amigaataapput
Gunver Perssonip qanittukkut isornartorsiuinermini ilaatigut oqaatigaa naartusunik nalinginnaasumik ikiorsiineq Peqqinnissaqarfiup tunniussinnaanngimmagu "kanngunartuusoq". Tassami ernisussiortut naammattut pigineqanngimmata, naartusut illoqarfinni minnerneersut illoqarfimmut annerusumut erniartortariaqartarput - imaluunniit pisariaqartinneqartumik ikiorserneqaratik ernisariaqartarlutik. Taanna aamma isumaqarpoq, aningaasaliisoqartuuppat ernisussiortunik atorfinitsitsinissaq ajornanngikkaluartoq.
Isornartorsiuineq tamanna Peqqinnissamut Qullersaqarfimmit illuatungilerneqarpoq. Tassami ernisussiortutut taartaagallartunik ilaatigut sapaatip-akunneri pingasuinnarni atorfeqartitsisoqartarpoq, aamma Paamiut, Upernavik, Uummannaq kiisalu Ilulissat aalajangersimasumik ullumikkut ernisussiortoqanngillat.
Naak aamma Peqqinnissamut naalakkersuisoqarfik ernisussiortunik peqqissaasutut sulinissamik akuerisaasunik atorfinitsitserusukkaluartoq, tamanna iluatsissinnaasimanngitsoq, Peqqinnissamut Qullersaqarfik tusagassiuutinut nalunaarpoq.
Qaanaami, Illoqqortoormiuni Qeqertarsuarmilu naartusut 18-it illoqarfimmut allamut siorna erniartortariaqarsimapput.