Erniartortup ernga hotelimi kisimiitsillugu qaarpoq
Ittoqqortoormiormioq Rachel Therkelsen 26-nik ukiulik sisamanik meeraqartoq, uini meeqqanilu qimallugit ukioq manna januaarimi Tasiilamut erniartornermini Islandimut aqqusaarpoq. Islandimi hotelimi kisimiitsillugu ernga qaarpoq.
Allattoq Janus Maqé
februaarip 04-at 2010 14:54
- Iterpunga imia kuuttoq, tuppapunga kisimiillungalu qiasariaqarlungalu, allatut ajornartumik receptionimukarpunga oqariartorlunga. Ambulancemit aatippunga. Napparsimavimmut anngukkatta ernisunnera tamaat pappialarsornersuaqarpoq kinaasunga suminngaannersunalu paasiniarlugit, Rachel Therkelsen oqaluttuarpoq.
- Ittoqqortoormiuni ernisoqarsinnaasuuppat assut iluassagaluarpoq, tassami marlunnik peqqittunik maani erninikuuvunga.
Rachel Therkelsen Islandimiitilluni ernertaarpoq qujanartumik ajunngitsumik. Uinilu sisamanik meeraqarput.
Rachel Therkelsen aamma kisimiilluni Nuummut 2007-mi erniartorsimavoq qaammallu sinnerlugu nunaminiinnani.
