Ernianut ilanngaat eqquteqqinneqassaaq
Minnerunngitsumik inissiamik pisinermi taarsigassarsianut erniat tamakkiisumik ilanngaatigineqartarnerisa eqquteqqinneqarnissaannik siunnersuut, ullumikkut siullermeeqartussaavoq.
Siunnersuutip aallaqqaasiutaani allassimavoq ilanngaatigineqartartunik killiliinerup Naalakkersuisuusimasunit eqqunneqarsimasup namminersortut inissianik niueruteqartarnerannut kingunerisinnaasai naalakkersuisut ernumanartoqartikkaat.
Ernianut ilanngaatip eqquteqqinnarnissaa silatusaarnerunersoq aamma arlalinnit apeqquserneqarsimavoq.
Akileraartarnermummi Atugarissaarnermullu isumalioqatigiissitap tamatuma atorunnaarsinneqarnissaa ilaatigut kaammattuutigisimavaa.