Ernguttuni persuttaasoq
Angut nakorsiartarfiliartariaqarsimavoq Nuummi erngunnerup nalaani persuttarneqarnermi kingorna.
Allattoq Noah Mølgaard
Angut persuttarneqarsimavoq politiit anaataannut eqqaanartumik sakkulimmit. Tamannalu pivoq Nuummi ernguttoqarnerani.
- Persuttarneqartoq nakorsiartarfiliartariaqarsimavoq annertunngitsumik kilersimalluni. Suli maanna paasiniaaneq ingerlapparput, Nuup politiivini pigaartoq Carl Sværd KNR-imut oqaluttuarpoq.
Ullaaq manna suliami tassani suli tigusarinnittoqarsimanngilaq.
Nuummi politiit ilanngullugu nalunaarutigaat ippassaq anorersuarnera pinartumik pisoqarfiusimanngitsoq. Silarlunneranut attuumassutilimmik politiinut saaffiginnittoqarsimanngilaq. Silarlunnera pissutigalugu piffissap ilaa Qinngutsinnut bussit ingerlaarunnaaraluarput isikkiviluppallaarnera pissutigalugu.