Nukissiorfiit nukissiuutinut pisortaat Svend Hardenberg, Attaveqarnermut Naalakkersuisoq Jens B. Frederiksen kiisalu borgmester Hermann Berthelsen oqalugiarput, qaaqqusallu erngup nukinganit nukissiorfimmi angalaarunneqarlutik.
Erngup nukinganit innaallagissiorfiup Utoqqarmiut Kangerluarsunnguanni innaallagissiorfik Nuummik pilersuisoq annerpaajusoq angissutsimigut tulleraa.
Erngup nukinganit innaallagissiorfissaq tulleq Ilulissat avannaanni-kangianni 50 kilometerisut ungasitsigisumiissaaq 2013-imilu naammassineqarnissaa ilimagineqarluni.
Piareeruni taava Nukissiorfiit nukissamik pilersitsiortornerata 70 procentia tikillugu piujuartumik nukissiuuteqarnikkut pissarsiarineqartalissaaq.