Erngup nukinganik, kujataaniit nunarput pilersorneqalersinnaagaluarpoq!
Kujataani erngup nukinga atorlugu nukissiorfiliornissamut takorluugaq ima annertutigaaq allaat Kalaallit Nunaat tamakkerlugu nukissiuutinik pilersorneqalersinnaagaluarpoq.
Tamannali inaallagissap ataqatigiissarneqarnerata nutarterneqarneranik piumasaqaatitaqarpoq. Kalaallit Nunaat tamakkerlugu innaallagissamik pilersorneqassappat, takorluukkap pivisunngornisaa suli ungasippoq.
Tamanna nalunaarusiami nutaami siornatigut DTU Artek-imi pisortaasimasup, Arne Villumsenip allassimasaani atuarneqarsinnaavoq, aviisi AG taama allaaserisaqarpoq.
Aamma atuaruk Nunarput avatangiisimik mianerinninnerulissaaq
Nunatta kitaata kujataani erngup nukinga kisiat eqqarsaatigalugu nalunaarusiami nalilerneqarpoq, ukiumut
14.000 GWh-imik nukissiortoqarsinnaasoq - tamatumunnga sanilliullugu Nunatsinni nukimmik atuineq
tamakkiisoq ullutsinni 2.500 GWh-iuvoq.
Nukimmik ataavartumik pilersuisinnaanermik periarfissat annertuut atorluarneqassappata, Nunatsinni
illoqarfiit akornanni innaallagissamik pilersuinermi attaveqaatit siunnerfeqarnerusumik suliniutigineqartariaqarput.
- Tamanna piviusunngortinneqassappat siulliullugu Nuup, Maniitsup aamma Sisimiut ataqatigiissinnissaannut aningaasassarsiortoqartariaqartoq, Arne Villumsen aviisimi AG-imi taama issuarneqarpoq.