VandløbAssi: Kim Andersen

Naalakkersuisut: Erngup nukinga nunatsinnut aningaasaliisussanut ussassaarutaassasoq

Qarasaasiaqarfissuit arlallit Danmarkip ukiuni kingullerni Danmarkimukartissinnaasimavai. Taamalillutik Facebook aamma Apple Odensemi, Viborgimi aamma Aabenraami milliarderpassuarnik aningaasaliillutik qarasaasiaqarfiliorusullutik. Naalakkersuisut maanna Danmarkisut misileerusulerput.

Kalaallit Nunaat atorneqanngitsunik erngup nukinganik peqqumaaterpassuaqarpoq, tamannalu Nunatsinni aningaasaleerusuttunut kajungersaataasariaqartoq, immikkuullarissumik nukissiuutinut imermillu pilersuinermut Naalakkersuisut maannakkut tusarniaassutigisaani atuarneqarsinnaavoq.

Naalagaaffiit amerlasuut suliffeqarfiussui soorlu Apple aamma Facebook Naalakkersuisut misissorusutaannut ilaapput, suliffeqarfissuimmi  tamakku servereqarfimmik, tassa qarasaasiat programmeqarfiinut inissiiffissarsiorput.

Paasissutissat amerliartuinnartut suliffeqarfiit aqutassarilerpaat. Taamaalillutik qarasaasiat programmeqarfii malinnaasariaqarput, naggataagullu nukiussiuutit annertuumik qarasaasiat programmeqarfiini pisariaqartinneqarput - minnerunngitsumik nillusaatitut.

Naalakkersuisut ilanngullugu allapput nunarsuaq tamakkerlugu ersarissigaluttuinnartoq nukissiuutit aalajaatsumik ingerlasut pisariaqartinneqaleraluttuinnartut, qarasaasiat programmeqarfiinik ulikkaaraluttuinnartunik isumaginniffiusinnaasut.

AAMMA ATUARUK Imeerniarneq ajornakusoormat akileraarutit appasinnerussasut

Qarasaasiat programmeqarfiinik  Facebook aamma Apple Danmarkimut inissiigamik tunngavilersuutigaat, nukissiuutit ataavartut ingerlatsinissaminnut pisariaqartikkamikkit.

Naalakkersuisut pilersaarutaanni annertuumik ussassaarusiortoqassaaq, Kalaallit Nunaata suliffeqarfissuarnut nukissiuutinik annertuunik pisariaqartitsisunut ussaassaarutigineqarnerani.

Suliffeqarfinnullu soqutiginnissinnaasunut erngup nukinganik pissaqassaqaaq. Pilersaarummi atuarneqarsinnaavoq ukiumut 2.500 aamma 5.000 gigawatt-timit nioqqutissiarineqarsinnaasut. Imaappoq Nuup eqqaani Utoqqarmiut Kangerluarsunnguanni nukissiorfiup pilersittagaaisa quleriaataat tyveriaataaluunniit.

AAMMA ATUARUK Nukissiuuteqarnermut ministerip erngup nukinganik nukissiuuteqarfiit takornariarpai

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat