Erngunnerup inuppassuit eqqortarpai

Imigassaq pillugu Katuami sapaatip-akunnerata naanerani isumasioqatigiissitsineq ullunik pingasunik sivisussuseqartussaq ippassaq aallartippoq.

Oqartussaaffeqarfiit suliffeqarfiillu arlallit isumasioqatigiinnermi peqataapput, politiit, meeqqat atuarfii, inunnik isumaginninnermik sullissiviit peqqinnissamillu sullissisut aamma immikkut ilisimallit peqataagamik.

Isumasioqatigiinnermi qulequtaritinneqartoq tassaavoq, "Ileqqut allanngortinnissaannut piffissanngorpoq", imigassartornerullu inooqatigiinnermut peqqissutsimullu sunniutigisartagai sammineqassallutik.

Isumasioqatigiinneq Peqqissutsimut Naalakkersuisumit Agathe Fontainimit aamma Imigassaq Ikiaroornartullu pillugit Siunnersuisoqatigiit siulittaasuannit Inuk Bourup-Nielsenimit ippassaq ammarneqarpoq.

Saqqummiussat siulliit ilaat tassaavoq "Imigassap Kalaallit Nunaani oqaluttuarisaanera, sunillu ilinniarfigisinnaaneripput", imigassallu inooqatigiinnermut peqqissutsimullu sunniutigisartagai saqqummiunneqarlutik.

Politimesterip Bjørn Bayip imigassartornerup peqqarniisertarnerullu imminnut ataqatigiinnerat aamma saqqummiuppaa.

Isumasioqatigiinnermi inerniliussat imigassaq pillugu Namminersorlutik Oqartussat politikkiliornissaannut innersuussutigineqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat