Bent Fabricius Bjerre 95-inik ukioqarluni toquvoq. Assi: Scanpix

Erinniortoq Bent Fabricius-Bjerre toquvoq

Erinniortoq, Bent Fabricius-Bjerre sivikitsumik napparsimareerluni toquvoq. Taassuma Olsen Bandenimut Matadorimullu erinniornini ilisimaneqaatigai.

Erinniortoq Bent Fabricius-Bjerre, sivikitsumik napparsimareerluni toquvoq. Ilaqutai taamaa nalunaaruteqarput. Bent Fabricius-Bjerre 95-inik ukioqalerpoq.

"Olsen Banden"-imut, "Matador"-imullu erinniusiornini Bent Fabricius-Bjerrep ilaatigut ilisimaneqaatigai, Danmarkimilu erinniortuni nipilersortartunilu ukiorpassuarni ilisimaneqarnerpaanut ilaalluni.

Erinniortup ilisaanera tamanut ammasuussanngitsoq ilaqutariit paasissutissiissutigaat.

Bent Fabricius-Bjerre kinguaariinni qassiiusuni Danmarkimi erinniortut nipilersortartullu pitsaanerpaat ilaanniissimavoq. Taanna 17-inik ukioqarluni nipilersortartunngorpoq.

Bent Fabricius-Bjerrelli ukiuni saqqummiinissaminut, tennisernissaminut allallumi filmimi aliikkutassiami ilaanissaminut aporfiginngilai.

Erinniortartoq Frankrigip kujataani Cannesimi "life achievement award"-imik ukiut marluk matuma siorna nersornaaserneqarpoq.

"Bent Fabric and His Piano"-mik imminut taalluni nipilersugaq taanna USA-mi saqqummersippaa, erinnaq tamatumuuna "Alley Cat"-imik taallugu.

Erinniaq taanna nipilersukkat nuannarineqarnerpaat allattorsimaffiannut Billboard Hot 100-imut ilannguppoq, rock and rollimilu immikkoortumi nipilersukkat nersornaasiuttagaannik 1962-imi Grammynnalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat