Erinisunnerup Kingorna Maniitsumi takuteqqaarneqartoq

Maniitsormiut illoqarfigisartik pillugu filmiliamut atuarfiup aulaani unnugu arfineq marlup qeqqanut isiginnaariarsinnaassapput. Tassani filmimut ilitsersuisoq Sturla Pilskog pingaarnertullu inuttaasut pingasut najuutissapput.
Filmi, Erinisunnerup Kingorna. Assi: Ánorâk Film
Allattoq Anna P. Knudsen
maajip 14-at 2019 16:15

Erinisunnerup Kingorna filmiuvoq pisimasuinnik tunngaveqartoq. Takorluukkanut inuunermut uninngaanalersumut, inuulli makeqqissinnaasusianik takutitsoq. 

Amerikamiut alumiiniuliorrmimik suliffeqarfiat, ALCOA Maniitsumi aatitsiviliussalluni 2006-imi aaliangerpoq. ALCOA-lli aatitsiviliornissamik pilersaarutini ukiut qulit qaangiummata unitsikkallarpai, Maniitsormiullu isumalluaraluartut pakatsipput. Ilaatigut tamakku filmimi tunngavigineqarput.

AAMMA ATUARUK Ánorâk Filmip filmiliai marluk CPH:DOX takutinneqalersut

Filmi Erinisunnerup Kingorna filmfestivalimi CPH:DOX-imi 2019-imi takuteqqaarneqarpoq, ilaatigullu Moskvami nunat tamalaat filmfestivalianni kingorna takutinneqarluni.
Filmi Erinisunnerup Kingorna Maniitsumi takutinneqareeruni Nuummi, Sisimiuni Ilulissanilu sisamanngornermi maajip 16-ani takutinneqassaaq. KNR tv-kkut kingusinnerusukkut  aallakaatinneqassaaq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq