Erinarsortartoq tusaamasarsuaq isiginnaartitsinermi nutaami nersorniarneqalersoq

Isiginnaagassiap taaguuteqartup "Akunnerit" pisimasuinnik tunngaveqannginnera isiginnaartitsisarfimmit erseqqissaatigineqarpoq.

Nipilersukkat Jim Milnemit nutaamik aaqqissuunneqarput erinarsortartunillu inuusuttunit pingasunit Kuunu Berthelsenimit, Nathan Kreutzmannimit Kimmernaq Kjeldsenimillu erinarsorneqarlutik.

Taallat nunatta pinngortitaanut inuinullu tulluusimaarpasissumik asannippasissumillu imalimmik suliaapput. Sunali tamarmi nuannersuinnaanngitsoq taamaammallu tupaallattoqalaarnissaanut kiisalu illaqatigiilaarnissamut periarfissaqarluassasoq Nunatta Isiginnaartitsisarfiata tusagassiorfinnut nalunaarummi neriorsuutigaa.

Isiginnaartitsineq "Akunnerit" Sisimiuni kulturikkut illorsuup Taseraliup ukioq manna marsip aallaqqaataani ukiunik qulinngortorsiorneranut atatillugu takuteqqaarneqassaaq kingornalu kujataani Nanortalimmit avannaani Ilulissat tikillugit angallanneqassalluni.